Sobre a "nova esquerda" espanholista.

 Apareceu nos últimos tempos umha nova versom da "esquerda" espanholista sob o nome de "El jacobino". Trata-se de um think-tank que pretende dar pulo ao espanholismo na esquerda. Diria que é um projeto baseado em pouco mais que defender a unidade do Estado imperialista espanhol, algo assim como umha UPyD em versom de "esquerda" (de fato, um dos principais promotores provém de UPyD). A obsessom com Espanha é a principal caraterística deste projeto, mas nom a única. Também se carateriza por umha forte crítica a todo o que consideram pós-modernismo, desprezando qualquer contradiçom política diferente á relativa aos direitos laborais. Portanto, pecam de um reducionista economicismo reformista, pois pretendem umha melhora parcial das condiçons da classe trabalhadora e nom a supressom das suas condiçons de exploraçom, pois nom questionam a necessidade de avançar cara a supressom do trabalho assalariado, superando-o mediante umha sociedade de trabalhadoras e trabalhadores livres, que se rija segundo o princípio "cadaquem segundo as suas capacidades, a cadaquem segundo as suas necessidades". Também defendem umha política conservadora respeito da família, fazendo umha defesa abstrata desta, sem questionar a família burguesa. Em questom de inmigraçom defendem o feche de fronteiras, umha política reacionária e racista. Em resumo, trata-se de umha suposta esquerda que defende posturas reacionárias na questom nacional, respeito da imigraçom e da família, assim como de qualquer questom de direitos de coletivos oprimidos, por enquanto defendem um reformismo social-democrata no econômico.