Apresentaçom

Por que este nome para o blogue?

Pois simplesmente fai referência a 3 

questons:

1- As cores da bandeira da Pátria Galega.

2- Meu deportivismo.

3- Umha linha de simpatia com a esquerda em geral e, mais especificamente, com o marxismo e umha clara postura contrária ao anticomunismo.

A motivaçom do blogue.

Criar um espaço de reflexom pessoal sobre diversas questons ligadas principalmente ao socio-político, mas talvez faga algumhas referências a outros temas como os desportos, como o futebol, principalmente o Deportivo da Corunha como indica o próprio nome do blogue, ou de tipo mais geral sobre minha visom da vida e das mais diversas questons. Em princípio, este espaço é unipessoal, mas nom estou fechado a colaboraçons de dar-se o caso.

A linha editorial do blogue.

Aqui sempre vai apoiar-se qualquer causa progressista e transformadora. Som nacionalista galego de esquerdas, tendo clara que a alternativa para a nossa soberania nacional plena passa pola independência e a umha orientaçom que conjugue a libertaçom nacional e social cara umha República Galega de orientaçom socialista. Como internacionalista, sempre vou apoiar todas as causas anti-imperialistas e rejeitar qualquer injerência dos estados imperialistas em países que tenhem ou luitam por ter umha política soberana, sem exigir nengumha pureza para defender estes processos frente ás agressons imperialistas. Aqui defende-se Cuba, Venezuela, Vietname, China, Síria ou qualquer projeto que plante cara ao imperialismo, por muitos que sejam seus defeitos e nom vou fazer críticas que nom sejam partindo da defesa da sua soberania. Também acho importante a defesa da ciência e o combate contra o pensamento mágico e os movimentos reacionários como o anti-vacinas ou qualquer um que vaia contra os avanços da ciência.