Sobre a consciência galega.

 Hoje quero escrever sobre a consciência/identidade/sentimento das galegas e galegos. Nom emprego o termo consciência nacional de forma intencionada, pois quero tratar sobre os diferentes graus de consciência e identificaçom com a Galiza do povo galego. Ainda que tentei informar-me um pouco para tratar este tema, simplesmente é minha opiniom.

Acho que o maioritário na Galiza é um sentimento e autoidentificaçom mixtas, que combina a pertença ao próprio País com certa identificaçom com "Espanha". Acho que a identificaçom plenamente galega assim como a excluentemente espanhola som bastante minoritárias, em porcentagens similares. Também acho que existe umha maior identificaçom por igual que a mais galega ou mais espanhola. Porém, acho que a hostilidade cara o galego causa rejeitamento na sociedade galega. Eleitoralmente, podemos observar isto na mínima penetraçom primeiro de Ciudadanos e agora de Vox na Galiza. O PP tem que assumir, retoricamente, certo galeguismo (ainda que nom vaia além do folclorismo muitas vezes). Entre as pessoas progressistas ou na esquerda acho que é muito maioritário a identificaçom entre puramente mixta, mais galega ou plenamente galega sendo minoritário o sentimento espanholista mais ultra. Por isso, acho que isto pode ter consequências políticas favoráveis ao nacionalismo popular galego, por ser pessoas que nom sentem nengum rejeitamento pola Galiza, ainda que possuam umha consciência nacional mínima ou nula. Por isso, o teito do nacionalismo está ainda por explorar, apesar dos mais de 300000 votos das últimas eleiçons, que som um grande resultado e demonstram que a consciência galega existe, ainda sendo latente em muitos casos e nom umha plena consciência nacional. 

Como conclussom final, a existência ampla de um certo galeguismo (por morno que seja) em amplas capas da sociedade galega é um dos fatores que impedem, de momento,a penetraçom social do espanholismo fascistoide na Galiza, o qual é bom por si mesmo.