Vitória soberanista na Catalunya.

O resultado eleitoral de ontem evidencia, mais umha vez, que o povo catalám tem um objetivo claro e firme: conquistar a plena soberania nacional. Desta volta, por primeira vez, o soberanismo obtivo mais do 50% dos votos. Nom acho que vaia ter efeitos práticos, pois o Estado espanhol nom vai admitir jamais 'motu propio' que umha naçom sob o seu jugo decida livremente seu futuro. Isto é umha questom de poder, nom de número de votos. Agora bem, a justificaçom formalmente democrática da sua negativa complica-se para o Estado espanhol. Estes resultados podem ajudar ao soberanismo na denúncia da anormalidade democrática espanhola no tratamento da questom nacional de cara á internacionalizaçom do conflito. De todas maneiras, continuo considerando muito complicado a obtençom de apoios internacionais significativos para o direito de autodeterminaçom da Catalunya, e muito menos desde dentro da UE. Sem pretender dar nengum conselho ao nacionalismo catalám, acho que a a autoorganizaçom nacional e popular som o caminho para avançar. Para finalizar, em chave de classe, apesar da grande diversidade e a hegemonia pequeno-burguesa e da mediana burguesia no independentismo catalám, este é umha força progressista na luita de classes, por ser a ameaça principal para o regime burguês específico de dominaçom no Estado espanhol, o regime do 76-78. A República catalana, seja esta da natureza que for, debilitaria o poder da burguesia monopolista espanhola. 

Parabéns Povo Catalám! Avante a Libertaçom Nacional e de Classe dos Povos Oprimidos!!!

P.S. Como bem di um experimentado e sábio companheiro, a partir de agora, será melhor concentrar os nossos esforços mentais na salvaçom e libertaçom da Galiza!

Comentarios

Publicar un comentario

Publicacións populares deste blog

Estado espanhol e plurinacionalidade: impossibilidade e alternativas viáveis.

 Com a proposta do lehendakari Urkullu de constituir umha convençom constitucional sobre o modelo de Estado abre-se um debate sobre a constitucionalidade de dotar de mais competências e direitos nacionais ás naçons negadas polo Estado espanhol. Os seitores mais abertamente reacionários do espanholismo negam qualquer possível interpretaçom aberta da Constituiçom espanhola enquanto ás "nacionalidades e regions". Os seitores mais progressistas das forças espanholistas e os moderados dos nacionalismos de naçom oprimida defendem a necessidade de umha interpretaçom aberta, realista e progressista da Constituiçom espanhola que permita a plurinacionalidade do Estado. Tendo em conta a conformaçom do regime espanhol e a condiçom constitucional do Tribunal Constitucional como único intérprete desta, parece tam improvável a possibilidade de haver maiorias para umha reforma constitucional como para o reconhecimento da plurinacionalidade do Estado espanhol. É necessário sermos conscientes
Ler máis

Em defesa do nacionalismo.

Antes de mais, se esperas encontrar umha defesa abstrata do nacionalismo e umha minorizaçom doutros problemas sociais surgidos da divisom da sociedade em classes e da opressom das mulheres, o racismo e outro tipo de opressons, este nom é o teu texto. Para começar é preciso definirmos o que é nacionalismo: defesa da existência de umha naçom e fazer dos seus direitos como tal um objeto fundamental de um programa político. O nacionalismo político é o único pleno, pois a mera existência de umha cultura nom é suficiente para articular um sujeito nacional. De fato, existem exemplos da mesma cultura dividida em diversas naçons, como é o caso da cultura curda ou a russa, por exemplo. E da defesa dos direitos nacionais surge o nacionalismo. Convém diferenciar entre o nacionalismo de naçom opressora e o de naçom oprimida, ou de naçom grande e naçom pequena como dizia Lenine. O nacionalismo de naçom oprimida tem, seguindo ao mesmo autor e dirigente político marxista, um conteúdo democrático ger
Ler máis

Socialismo e legalidade.

 Com o galho do 50 aniversário, no dia de amanhã, do golpe de Estado em Chile, que véu dar cabo da experiência de governo da Unidade Popular, que foi umha experiência socialista no marco da legalidade burguesa, convém refletir sobre a relaçom entre socialismo e legalidade.  No século XX, demonstrou-se muitas vezes que a burguesia nom permite a realizaçom de políticas públicas que ameacem o seu poder e recorre á violência para evitar transformaçons profundas na sociedade. Isto converte a via pacífica e institucional ao socialismo em complexa e quase impossível. Isto fai que a política institucional seja umha ferramenta política mais para o proletariado e o conjunto das camadas oprimidas da sociedade, mas nom o caminho central para a sua emancipaçom. Isto demonstrou-se no Estado espanhol no 36, na Nicarágua impedindo-se o desenvolvemento da Revoluçom sandinista, no próprio Chile, em Haiti em 1991, entre outros muitos exemplos. Também houvo exemplos no século XXI em países como Venezuela,
Ler máis