Eleiçons catalanas

 Amanhã celebram-se eleiçons na Catalunya (no Principat). Contra a lógica de preservar a saúde pública, esta data foi imposta polo Estado espanhol através dos tribunais. Como durante os últimos anos, há mais em jogo que quem governa a autonomia catalana, senom que é um confronto entre as forças soberanistas e independentistas catalanas e as diversas forças espanholistas. 

Neste contexto pandémico o resultado é imprevisível e nom se vai corresponder com o resultado num contexto pre-pandémico. As forças espanholistas vam tentar aproveitar esta situaçom para reverter a hegemonia independentista, para o qual empregarom, empregam e empregarám todas as armas e ferramentas que lhes outorga contar com um Estado que as defende e protege. Por isto, é muito importante para o povo catalám, voltar mostrar sua conviçom  e firmeza de povo soberano frente ao regime espanhol do 76-78. Também é muito importante que desde o resto de naçons sob o jugo espanhol nos solidarizemos com sua causa, nom só por solidariedade internacionalista, senom também por interesse próprio, já que na vitória da causa da soberania catalana está umha grande oportunidade, a maior atualmente, de que se abra umha fenda importante no regime espanhol do 76-78. 

Perante este panorama, só podo desejar a vitória clara das forças independentistas frente ao nacional-imperialismo espanhol nas eleiçons de amanhã. Além disso, também desejo que sejam as forças mais decididas e avançadas na questom nacional e mais progressistas no social e no confronto de classes, tenham o melhor resultado possível, oxalá fosse o de alcançar umha hegemonia importante no conjunto de forças soberanistas e assim criar um projeto avançado de amplo espetro frente ao espanholismo. 

Visca Catalunya Lliure! Vivam os Povos Livres!

Comentarios

Publicar un comentario

Publicacións populares deste blog

Breve reflexom política de domingo.

Estamos em tempos convulsos no mundo. Guerras por toda parte, genocídios e ocupaçom de países, governos de extrema-direita fascistoide (às vezes sob aparência ultra-liberal), países que respondem à ordem imperialista e recebem como castigo bloqueio, etc. Neste contexto, acho oportuno ir à origem do problema e definirmos brevemente as causas: o fascismo nom é mais que a aplicaçom dos métodos colonialistas e imperialistas também nos estados do centro imperialista, o imperialismo é a forma mais acabada, bárbara e extensa do capitalismo, por enquanto as guerras som a expressom mais clara e crua do imperialismo. Portanto, nestes tempos de retrocesso, nom há lugar a maximalismos: o conflito principal nom é capitalismo contra socialismo (em abstrato), senom soberania e avanços cara o socialismo face o imperialismo, assim como oposiçom radical às guerras como expressom mais brutal da atual ordem imperialista, o mal chamado mundo baseado em regra. O melhor antídoto é apostar polo mundo multipol...
Ler máis

Em defesa do nacionalismo.

Antes de mais, se esperas encontrar umha defesa abstrata do nacionalismo e umha minorizaçom doutros problemas sociais surgidos da divisom da sociedade em classes e da opressom das mulheres, o racismo e outro tipo de opressons, este nom é o teu texto. Para começar é preciso definirmos o que é nacionalismo: defesa da existência de umha naçom e fazer dos seus direitos como tal um objeto fundamental de um programa político. O nacionalismo político é o único pleno, pois a mera existência de umha cultura nom é suficiente para articular um sujeito nacional. De fato, existem exemplos da mesma cultura dividida em diversas naçons, como é o caso da cultura curda ou a russa, por exemplo. E da defesa dos direitos nacionais surge o nacionalismo. Convém diferenciar entre o nacionalismo de naçom opressora e o de naçom oprimida, ou de naçom grande e naçom pequena como dizia Lenine. O nacionalismo de naçom oprimida tem, seguindo ao mesmo autor e dirigente político marxista, um conteúdo democrático ger...
Ler máis

Pequena reflexom sobre normalizaçom linguística e a "polícia da língua".

 Escrevo isto no 24 de julho, véspera do dia Pátria, dia muito importante para todas as pessoas que queremos este País e arelamos umha Galiza melhor, umha Galiza livre e soberana. No nosso caso, o grande elemento comum que une e consolida a vontade de sermos por nós próprias é a língua. Por isso é um dia adequado para refletir sobre a nossa língua. Para começar, devemos reconhecer a situaçom linguística na Galiza: o galego é umha língua minorizada e até minoritária no nosso País, onde nasceu e desde onde se foi estendendo cara o Sul e depois se estendeu polo mundo através das colónias portuguesas. Esta minorizaçom e subordinaçom respeito do espanhol afeta nom só à extensom do seu uso na Galiza, senom à própria qualidade linguística do galego que escrevemos e, sobretodo, falamos. Devemos reconhecer que o galego atual está cheio de formas e estruturas espanholas, desde o léxico, até a gramática, além da perda de qualidade da nossa fonética, especialmente a nível urbano. Partindo do r...
Ler máis