Conteúdos culturais e normalizaçom da nossa língua.

 Para começar, quero que fique claro que acho muito importante e positivo refletir sobre a nossa língua e seu futuro, e também do emprego desta para as reivindicaçons sociopolíticas. Portanto, meu reconhecimento para as pessoas que se dedicam a qualquer destas cousas é máximo. Mas, o ponto que quero tratar nom é esse.

Minha opiniom, que acho algo bastante evidente e de senso comum, é que o galego serve para todo e deve ser empregado em todos os âmbitos. Por isso, acho completamente necessário que existam conteúdos culturais (sejam musicais, no cinema, nas redes ou onde for) de todo tipo, além do político e lingüístico. No plano musical, acho que é um fator muito mais normalizador que haja músicas nom reivindicativas de todo tipo de estilos (pop, rap, tradicional, blues e qualquer outro) do que as músicas de conteúdo de esquerdas e/ou nacionalista galego (a qual é necessária e da que geralmente gosto mais, mas acho mais extendido o galego nesse âmbito). Sobre cinema um pouco o mesmo, qualquer gênero deve ser cultivado na nossa língua no nosso País (acho que filmes como Dhogs ou Sicixia som muito importantes e positivos neste eido) e isso é um fator normalizador. Por último, na Internet, seja em YouTube ou qualquer outro tipo de plataformas, acho muito necessário a existência de canais em galego de qualquer temática, seja bricolagem, maquiagem, cultura pop, divulgaçom científica ou qualquer outro. Isto nom quer dizer que eu fosse seguir qualquer destes canais se nom me interessa o tema, senom que acho fundamental que existam opçons de todas as temáticas na nossa língua, porque acho isso muito mais normalizador que estar sempre com os mesmos temas e criar umha comunidade de consumidores de cultura galega (em galego, obviamente) endogâmica e sem capacidade de incidência social, especialmente entre a gente moça que representa o futuro da nossa língua.

Comentarios

Publicar un comentario

Publicacións populares deste blog

Estado espanhol e plurinacionalidade: impossibilidade e alternativas viáveis.

 Com a proposta do lehendakari Urkullu de constituir umha convençom constitucional sobre o modelo de Estado abre-se um debate sobre a constitucionalidade de dotar de mais competências e direitos nacionais ás naçons negadas polo Estado espanhol. Os seitores mais abertamente reacionários do espanholismo negam qualquer possível interpretaçom aberta da Constituiçom espanhola enquanto ás "nacionalidades e regions". Os seitores mais progressistas das forças espanholistas e os moderados dos nacionalismos de naçom oprimida defendem a necessidade de umha interpretaçom aberta, realista e progressista da Constituiçom espanhola que permita a plurinacionalidade do Estado. Tendo em conta a conformaçom do regime espanhol e a condiçom constitucional do Tribunal Constitucional como único intérprete desta, parece tam improvável a possibilidade de haver maiorias para umha reforma constitucional como para o reconhecimento da plurinacionalidade do Estado espanhol. É necessário sermos conscientes
Ler máis

Em defesa do nacionalismo.

Antes de mais, se esperas encontrar umha defesa abstrata do nacionalismo e umha minorizaçom doutros problemas sociais surgidos da divisom da sociedade em classes e da opressom das mulheres, o racismo e outro tipo de opressons, este nom é o teu texto. Para começar é preciso definirmos o que é nacionalismo: defesa da existência de umha naçom e fazer dos seus direitos como tal um objeto fundamental de um programa político. O nacionalismo político é o único pleno, pois a mera existência de umha cultura nom é suficiente para articular um sujeito nacional. De fato, existem exemplos da mesma cultura dividida em diversas naçons, como é o caso da cultura curda ou a russa, por exemplo. E da defesa dos direitos nacionais surge o nacionalismo. Convém diferenciar entre o nacionalismo de naçom opressora e o de naçom oprimida, ou de naçom grande e naçom pequena como dizia Lenine. O nacionalismo de naçom oprimida tem, seguindo ao mesmo autor e dirigente político marxista, um conteúdo democrático ger
Ler máis

Socialismo e legalidade.

 Com o galho do 50 aniversário, no dia de amanhã, do golpe de Estado em Chile, que véu dar cabo da experiência de governo da Unidade Popular, que foi umha experiência socialista no marco da legalidade burguesa, convém refletir sobre a relaçom entre socialismo e legalidade.  No século XX, demonstrou-se muitas vezes que a burguesia nom permite a realizaçom de políticas públicas que ameacem o seu poder e recorre á violência para evitar transformaçons profundas na sociedade. Isto converte a via pacífica e institucional ao socialismo em complexa e quase impossível. Isto fai que a política institucional seja umha ferramenta política mais para o proletariado e o conjunto das camadas oprimidas da sociedade, mas nom o caminho central para a sua emancipaçom. Isto demonstrou-se no Estado espanhol no 36, na Nicarágua impedindo-se o desenvolvemento da Revoluçom sandinista, no próprio Chile, em Haiti em 1991, entre outros muitos exemplos. Também houvo exemplos no século XXI em países como Venezuela,
Ler máis